A patronal boirense (ABE) informou das primeiras persoas premiadas na súa Campaña Nadal, nos primeiros sorteos de cantos están previstos nestas festas. Trátase de Ana Isabel Calo e Marta Inés Casais, que reciben cadanseu bono de 100€ para gastar sen caducidade en calquera dos 206 negocios asociados a ABE. Os nomes déronse a coñecer na mañá deste luns 9 de decembro, na sede da asociación.
Como dixemos, trátase do primeiro sorte da Campaña do Nadal correspondente ao sábado 7 e o domingo 8 de decembro. Durante eses dous días rexistráronse na web da ABE 185 tíckets e facturas entre os que se realizaron os sorteos de dous bonos de 100€ que recaeron en Ana Isabel Calo, polas súas compras no Hipermarket Haomai, e Marta Inés Casais, polas súas compras en Baldani Concept Store.
A ABE lembra que realizará un sorteo de un premio de 100€ cada día da campaña ata o 5 de xaneiro e que nos sorteos participan os tíckets rexistrados dende o inicio da campaña (7 decembro) ata o día de cada un dos sorteos polo que os clientes teñen a oportunidade de participar en varios sorteos co mesmo rexistro e así multiplicar as súas opcións de gañar un dos premios.
A ABE contactará cas persoas premiadas e realizará a entrega dos premios nun acto ao remate da campaña do Nadal.
