50 persoas participaron este domingo nun roteiro histórico polas minas de San Fins

29 Decembro 2024
  • Na xornada presentouse o libro “As minas dos ingleses”, obra galardoana co Premio de Investigación Buxa sobre Patrimonio Industrial
  • No roteiro as persoas participantes puideron coñecer algúns dos lugares menos coñecidos das minas de Lousame, incluíndo unha galería da época

Este domingo 29 de decembro presentouse durante un roteiro polas minas de San Fins a obra premiada por Buxa – Asociación Galega do Patrimonio Industrial nos seus premios de investigación bianuais. Na edición 2023-2024 resultou galardoada a obra As minas dos ingleses: San Finx até à Primeira Guerra Mundial, da autoría de Joám Evans Pim.

Na actividade celebrada na tarde do domingo participou medio cento de persoas que percorreron da man do autor da investigación os lugares asociados a esta primeira época da explotación: desde o cuartel de traballadores construído en 1897 ata un polvorín e os restos do Pozo Mestre. Tamén puideron visitar unha galería mineira que funcionou neste primeiro periodo da mina.

Buxa e Edicións Ézaro veñen de publicar esta mesna semana o libro da obra premiada, que recolle o periodo máis oscuro e menos coñecido das históricas minas de estaño e volframio de Lousame: o comprendido entre a descoberta do xacemento pola familia inglesa dos Burbury ata o estalido da Primeira Guerra Mundial. Nas súas 180 páxinas a obra revela de xeito minucioso os primeiros 30 anos da explotación mineira.

Outros artigos

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.