O Concello de Rianxo ten organizada unha ampla programación para conmemorar o 25N que inclúe, a xeito de arrinque da axenda, Contando en feminino, actividade dirixida ao público familiar, onde Ana Hermida contará historias para concienciar na igualdade e violencia de xénero.
A cita co feminismo será o venres 15 de novembro ás 19:00 h. na parroquia rianxeira de Isorna, onde naceu e descansan os restos do crego e poeta antifranquista “Faustino Rey Romero” que dá nome ao Centro Sociocultural, coñecido como a Casa da República, onde terá lugar a actividade.
A función vén da man Asociación Lisitrata. Trátase dunha función familiar abeirada á Rede Cultural da Deputación da Coruña que inclúe historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades.
