Presentase en Lugo “Un ferrado de terra”, de Xerardo Quintiá, novo libro artesán de Bourel, realizado en Ribeira por Antonio Piñeiro.
Este vindeiro sábado 23, ás 12,00 hs., no Vello Cárcere de Lugo, tera lugar a presentación de UN FERRADO DE TERRA, de Xerardo Quintiá. É unha obra de tiraxe limitada a 100 exemplares, realizada no taller de Antonio Piñeiro, en Ribeira. Leva duas pinturas de Baldo Ramos, executadas directamente sobre as páxinas.
Cada libro vai numerado e asinado polo autor e polo artista. A transcrición dos textos foi mecanográfica, páxina a páxina, por medio dunha vella Olympia Traveller; e a montaxe manual, acadando así a obra uns matices de singularidade próxima ao libro de artista. Canda Xerardo Quintiá intervirán Antonio Piñeiro e Baldo Ramos.
