Presentadas 30 obras ao VII Premio de Literatura Infantil Carlos Mosteiro

06 Novembro 2024

Un total de 30 orixinais buscan alzarse co VII Premio de Literatura Infantil Carlos Mosteiro, segundo confirmou a Área de Cultura do Concello da Pobra que dirixe Patricia Lojo, engadindo que agora o xurado deberá decidir en cal recae esta distinción. Marcos Calveiro, director de edicións de Galaxia; Pilar Sampedro, vogal da A. C. Barbantia; e José Luis Baños, gañador da sexta edición; encargaranse de tomar a decisión.

Convocado polo Concello da Pobra do Caramiñal, a Editorial Galaxia e a A. C. Barbantia, este eríxese como un dos premios galegos de referencia na literatura infantil cunha dotación económica de 3.000 euros, a publicación na colección Árbore da dita editorial e o repartimento de exemplares entre a rapazada da localidade, segundo explica a concelleira da Cultura, Patricia Lojo. Engade que “son varias as obras que saíron do prelo ao abeiro deste certame que busca non só promover a produción literaria, senón tamén ofrecerlle lecturas de calidade e en galego ás novas xeracións.”

Nos anteriores anos, o galardón recaeu en Patricia Mallo, con Os Fantom; Xosé Antonio Neira Cruz, con O enigma do baúl pechado; a terceira edición quedou sen adxudicar, por se estimar que ningún dos textos acadaba a suficiente calidade literaria; repetiu Neira Cruz, con Por mor de cinco pizzas aos catro queixos; María Canosa, con Teño un volcán dentro; e José Luis Baños, con Fóra de xogo.

Outros artigos

O Porto do Son recibe a súa sexta Bandeira Verde

O Concello do Porto do Son recibiu este 21 de outubro a súa sexta Bandeira Verde de Galicia, un recoñecemento ao compromiso municipal coa protección da paisaxe, a conservación do patrimonio natural e o coidado do medio ambiente. A tenente de alcalde, María José...

+

Publicidade

Revista en papel

Opinión

“La soledad, mala compañera”. Javier García Sánchez

“La soledad, mala compañera”. Javier García Sánchez

Afecta a una de cada cinco personas en España, y se trata de una sensación deaislamiento y desconexión emocionalNos demos cuenta o no lo cierto es que cada vez vivimos en una sociedad másindividualista donde recala con fuerza la soledad no deseada. Se trata de...

“Santos con lentes”. Xosé A. López Silva

“Santos con lentes”. Xosé A. López Silva

Hai anos que levo un caderno de santos: datas, anécdotas e atributos rechamantes, apuntados sen moita orde nin concerto. Abre por San Xerome, o mesmo que de cando en cando volve aos xornais porque na fachada de Santa María de Pontevedra, entre os doutores da Igrexa,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.