O Concello de Boiro asina convenios de colaboración con todos os clubs de fútbol do municipio. O alcalde, José Ramón Romero, e o concelleiro de Deportes, Marcos Fajardo, asinaron cadanseu convenio de colaboración coa Escola de Fútbol Municipal, o Sporting de Lampón, CD Boiro, SD Valiño – Cabo de Cruz, Abanqueiro SD, CD Galicia Bealo e SD San Andrés de Cures.
Romero e Fajardo sinalaron que o obxectivo destes acordos é “apoiar a actividade deportiva dos clubs de fútbol financiando gastos xerais tales como arbitraxes, material deportivo, desprazamentos, aloxamento, probas deportivas, gastos de xestión publicitaria e gastos de inscricións en competicións oficiais”.
Estes convenios de colaboración realízanse no marco das subvencións nominativas do ano 2024 que o Concello de Boiro proporciona para sufragar os gastos xerais propios nas que se benefician preto de 30 clubs e para os que se destinan 466.750 euros euros do orzamento municipal.
