A Concellería de Servizos Sociais e o Centro de Información á Muller de Noia organiza un novo programa de lecer para facilitar no concello a harmonía entre a actividade laboral das nais e dos pais e o tempo vacacional da rapazada. Estamos a falar dunha nova edición do servizo de Concilia de Nadal do Concello de Noia, que vai dirixido a nenas e nenos de 3 a 12 anos dende as 8:00 h ata as 15:00 h. A inscrición pode realizarse a través da sede electrónica municipal ou do rexistro de entrada do Concello. As inscricións están abertas até o 28 de novembro e as prazas son limitadas. A listaxe de admitidos e excluídos publicarase o 13 de decembro.
