Os socialistas de Rianxo, a través do seu voceiro Óscar Rial, solicitou explicacións ao Goberno local por, segundo denuncian, “as deficiencias nas obras executadas cos fondos que a Deputación da Coruña concede ao Concello a través do Plan de Obras e Servizos: POS+”. O vogal da Agrupación Socialista de Rianxo sostén que “son problemas graves que deben ser aclarados publicamente”.
En relación ao saneamento e abastecemento en Quintáns (Isorna), os socialistas din que “a pesar do paso dun ano e seis meses dende o seu inicio, e tras múltiples prórrogas, estas obras seguen sen rematar, ou supoñen unha cuestión ou seguimento e rigor do Concello”. Os socialistas demandan “que unha empresa responsábel indemnice os días de incumprimento de obras alternativas”.
No que se refire ao asfaltado en Pousada, en Araño, a agrupación di que “as presións de execución deron lugar a obras sen rematar, causando agravios aos veciños”. Os socialistas solicitan que “unha empresa solucione esta situación”.
O voceiro sostén que o Centro Cultural de Taragoña é “outra obra sen rematar de especial relevancia, xa que o seu obxectivo é mellorar a accesibilidade”. Porén, din, “un ano despois de comezar as obras, seguimos sen ascensor, o que impide que os veciños poidan realizar actividades alleas ao centro e dificulta a planificación dos actos municipais; esta situación vai provocar malestar entre os cidadáns, xa que se trata dunha infraestrutura fundamental para a dinamización cultural e social da vila”. Os socialistas de Rianxo solicitan
“unha pronta solución a este problema, que prexudica o normal uso das instalacións”.
Polo que se refire ás obras do Pavillón Municipal de Deportes, “a pesar de estar en marcha dende hai un ano e de ter sido cambiada a cuberta, seguen presentando filtracións de auga, e a situación empeorou debido a que a obra foi recibida polo Concello, quedando agora o aval como único mecanismo para compensar posíbeis danos”. O grupo engade que “esta situación preocupa especialmente aos socialistas de Rianxo, dado o impacto que as filtracións poden ter no chan de madeira da instalación, valorado en 40.000 euros, así como as actividades e competicións deportivas, que poden chegar a provocar a súa suspensión”.
Apuntan tamén que “as deficiencias detectadas nestas obras están a provocar un importante retroceso para os veciños, afectando directamente á súa calidade de vida e ao normal desenvolvemento da vida cotiá no municipio”.
