Porto do Son e Portosín acolleron este mes de outubro (o venres 18 na Casa da Cultura de Porto do Son e o luns 21 na Casa da Cultura de Portosín) cadansúas sesións informativas sobre procesos de regularización para persoas inmigrantes impartidas por Tania Castro, asesora xurídica en materia de inmigración
As sesións abeiráronse ao Servizo de Asesoramento Xurídico para Persoas Inmigrantes e foron organizadas pola Área de Benestar Social do Concello.
O obxectivo concreto destas xornadas foi “informar, asesorar e acompañar ás persoas estranxeiras sobre os trámites e normas relacionadas co regulamento da situación de residencia, co obxecto de favorecer a integración sociolaboral e garantir o acceso aos seus dereitos”.
