O Goberno rianxeiro Julián Bustelo vén de acometer a mellora do viario de acceso ao Parque Empresarial de Te dende os núcleos da Laxe (Taragoña) e o Montegrande (Asados). Segundo informou o Concello, o proxecto supuxo un investimento total de 72.570,96€ e consistiu fundamentalmente na instalación dunha rede de recollida de pluviais e na pavimentación das vías con aglomerado en quente. Para esta actuación o Concello de Rianxo recibiu unha axuda de 58.056,77€ da Consellería de Economía e Industria da Xunta de Galicia.
