O Concello de Dodro organiza no mes de novembro unha excursión á Feira anual de Santos de Cerdál, en Valença, Portugal, que é con toda seguridade a feira anual máis importante do Noroeste peninsular e de cantas se celebran nas dúas beiras do Miño (a cifra de expositores adoita andar a rentes do medio milleiro). A excursión celebrarase o vindeiro 1 de novembro e, segundo confirmou o Concello, “poderán asistir todas as persoas empadroadas en Dodro”. As inscricións cómpre facelas no teléfono 981 802 466. As prazas son limitadas.
