O Concello de Boiro convoca un proceso selectivo para a confección dunha bolsa de emprego para o nomeamento de arquitectos técnicos como funcionario interino. O prazo de presentación de solicitudes abrirá o luns e será de dez días hábiles.
O proceso selectivo será mediante oposición libre e as persoas aspirantes deberán cumprir unha serie de requisitos como estar en posesión do grao universitario de arquitecto técnico ou equivalente; ademais de aqueles requisitos xerais para o acceso ao emprego público tales como non ter sido despedido mediante expediente disciplinario do servizo de ningunha administración pública; estar en posesión das capacidades ou aptitudes para o desenvolvemento do posto; estar en posesión do CELGA 4 e permiso de conducir B.
As funcións do posto de traballo van consistir na elaboración de orzamentos técnicos e económicos dos proxectos municipais; elaboración de informe sobre o estado de obras; preparación de valoracións ou certificacións de obra; dirección, inspección recepción de obras; fiscalización de edificación privada; entre outras.
As instancia para formar parte deste proceso deberán presentarse no Rexistro Xeral ou sede electrónica do Concello de Boiro no prazo de dez días hábiles a contar dende o vindeiro luns. As bases e toda a información sobre o proceso selectivo está dispoñíbel na web municipal.
