Este domingo 3 de novembro vaise proxector en Boiro o filme Buscando á Santa Compaña, do director compostelán Fernando Cortizo. A actividade, enmarcada nas celebracións locais do Samaín, será no Centro Social de Boiro a partir das 19.30 horas.
O filme, narrado polo actor e narrador arousán Carlos Blanco, recolle a procura contrarreloxo dos últimos testemuños dun fenómeno que aterrorizou a toda unha poboación durante séculos e no valor etnográfico deste feito central no imaximario e o patrimonio inmaterial galego.
Esta road movie documental conta coa opinión de figuras expertas en distintas áreas e con testemuñas reais que relatan as súas experiencias en primeira persoa para desentrañar canto hai de certo e canto de mitolóxico nas aparicións da Santa Compaña.
