Debido á mala previsión meteorolóxica que espera para esta fin de semana aprázase a IX/IX Andaina Solidaria CONGALSA.
Respecto da data definitiva de celebración, a empresa da Pobra impulsora e patrocinadora da iniciativa explica nun comunicado que ao tratarse dunha “cita anual e solidaria imprescindíbel comunicaremos proximamente a nova data para a súa celebración, esperando que todas as persoas participantes gocen do evento solidario”.
E engade CONGALSA no comunicado: “O prazo de inscrición seguirá aberto e todas aquelas persoas interesadas en tomar parte nesta iniciativa poden inscribirse a través das webs de CONGALSA e de Deporticket. Para aquelas que queiran participar e non poidan asistir ao evento está a opción de facelo a través do Dorsal 0”.
