Os bombeiros do parque Provincial de Boiro recibiron este sábado 14 de setembro, arredor das 6.24 horas, un aviso no que se lles informaba dun lume na rúa Falcoeiro, na parroquia de Aguiño, no concello de Ribeira. Á súa chegada ao lugar, o persoal da agrupación comprobou que o incendio se orixinara na zona de xardín onde se atopaban unha mesa, unha grella e onde había, ademais, un punto de almacenamento de leña. A zona axardinada estaba situada próxima a vivenda, polo que as chamas afectaron á fiestra e á persiana da vivenda.
Tras realizar a valoración inicial, os bombeiros procederon a sufocar o lume facendo uso, para iso, dunha liña de auga.
