O Concello de Porto do Son compartiu o programa anual das Escolas Deportivas, que teñen a data de comezo fixada para este 30 de setembro e que ofrece novamente unha axenda diversa e descentralizada que achegará actividades en media ducia de parroquias: O Son – Santa Irene, Portosín, Miñortos, Queiruga, Caamaño, Xuño e San Pedro).
As inscricións poderemos facelas dende o 30 de setembro (presentando o modelo de solicitude ao monitor ou monitora) máis cada actividade terá a inscrición aberta durante todo o ano e até o remate do curso en 2025. A axenda inclúe actividades de predeporte, acrobacias, baile moderno, mantemento de maiores, pilates, cross training, biking, total training, zumba, atletismo, ioga e circuit training.
Novamente, coma nas edicións previas, unha parte do programa foi concibida para achegar hábitos deportivos e saudábeis para a poboación sénior do concello, a través dos cursos de mantemento de maiores.
Podemos solicitar máis información no correo deportesdoson@gmail.com ou a través do teléfono 981 76 77 58.
