O Concello de Noia engadiu unha nova canle ao seu conxunto de ferramentas de comunicación dixital: unha canle propia de Whatsapp coa que estreitar a relación coa cidadanía e tela ao tanto das novidades relativas á actividade municipal. O obxectivo é achegar comunicacións de “xeito rápido e sinxelo”. O Concello explica que para recibiren todos os avisos importantes os veciños só teñen que acceder á páxina de Whatsapp e activar a campá de notificacións, o que fará que “non se perdan ningunha información imporante do concello”.
