O Museo do Gravado de Artes (Ribeira) vai acoller o sábado 14 de setembro (ás 13.00 horas na sala 0 do museo) a inauguración da mostra do XV Premio Atlante de Gravado. Contarase coa presenza do director do museo, Pastor Rodríguez, e do alcalde de Ribeira (e presidente do padroado) Luís Pérez Barral. Acudirán á cita, amais do director e o presidente do Museo do Gravado (e outras autoridades, patronos e premiados), o conselleiro de Cultura e Xuventude, José López Campos, a deputada de Cultura (Deputación da Coruña) Natividad González e o presidente da Real Academia Galega de Belas Artes, Manuel Quintana Martelo.
Esta exposición poderá visitarse do 14 de setembro ao 14 de novembro de 2024 no Museo do Gravado.
O Premio Atlante de Gravado é un dos galardóns máis reputados neste eido, que conta co apoio do Concello de Ribeira, a Deputación da Coruña e a Xunta de Galicia e que na súa anterior XVI contou coa participación de candidatos de ata 20 países. Entre as patrocinadoras do certame atópanse FRINSA e Pedras de Santiago.
A gala será retransmitida por streaming a través da canle de Youtube do Museo do Gravado de Artes.
