O Concello de Muros puxo en marcha este curso 2024/205 o Servizo Municipal de Madrugadores, un programa de conciliación no CEIP Plurilingüe de Louro, o CEIP Ramón de Artaza y Malvárez, e o CEIP Plurilingüe Ricardo Tobío. A arrinque do programa chega logo de meses de colaboración coas asociacións de nais e de pais dos colexios (anpas) e de tomarse a decisión, dende o Goberno local, de que fose o Concello quen xestione directamente este curso o servizo de Madrugadores, gratuíto para as familias.
Neste arrinque do ano escolar xa hai 17 nenos e nenas no CEIP de Louro; 28 no Ricardo Tobío, e 9 no Ramón de Artazga. En total, 38 familias e 54 nenos e nenas.
“Os datos reflicten que as familias necesitaban este servizo, co obxectivo fundamental de favorecer a conciliación da vida laboral e familiar das nais e pais que o precisen antes do inicio do horario lectivo”, sostén a alcaldesa de Muros, María Lago, engadindo que “o Concello consensou detalles coas familias usuarias para que o servizo facilite efectivamente a conciliación real, aproveitando as vantaxes que nos dan as características da nosa comunidade educativa e permitíndonos ofertar un servizo case a carta, onde ninguén quede fora”.
Pola súa banda, a concelleira de Ensino sinalou que “con este novo servizo, damos resposta a unha demanda dos centros educativos e a unha necesidade das asociacións de nais e pais”.
“Desde que comezou o mandato, deixamos claro que os servizos públicos e temas como a conciliación son fundamentais para o Goberno local”, remata María Lago.
