O Concello de Noia informou do avance dos traballos para mellorar o Pavillón Agustín Mourís, que comezará a tempada tempada cunha nova grada. A instalación foi visitada esta semana polo rexedor Santiago Freire, que sinalou que a mesma está a piques de ser rematada. Trátase dun proxecto co-financiado pola Consellería de Presidencia, Xustiza e Deportes, a Secretaría Xeral para o Deporte e o propio Concello, e os traballos foron costeados cun investimento de preto de 50.000€.
“Con estas melloras incrementaremos o aforo en máis de 100 localidades”, sinalou o alcalde, engadindo que a grada permitirá “que máis persoas poidan gozar do noso deporte local”.
A intervención suma 66 metros cadrados de espazo para os asistentes (público, profesionais e equipamentos diversos de comunicación) na zona superior auxiliar do inmóbel.
