Ocorreu na parroquia noiesa de Roo, e só houbo un vehículo implicado.
Foi un particular quen, instantes despois das 15:30 horas, contactou co 112 Galicia e sinalou que un coche acababa de saírse da vía no quilómetro 29 da CG-1.5, envorcando. O condutor estaba xa fóra do vehículo, pero precisaba asistencia sanitaria.
Con estes datos, desde o 112 Galicia solicitouse a colaboración de Urxencias Sanitarias de Galicia-061, da Garda Civil de Tráfico, do GES e dos voluntarios de Protección Civil de Noia, así coma dos servizos de mantemento da estrada.
Tras rematar a súa intervención, os servizos de emerxencias confirmaron que o ferido foi trasladado en ambulancia ao centro hospitalario de referencia.
