O Concello de Ribeira vén de dar novos pasos en materia de eficiencia enerxética e sustentabilidade coa incorporación de dispositivos de enerxía solar en tres novas dependencias municipais. En concreto, a Administración local investirá 263.226€ na instalación de paneis fotovoltaicos para o Complexo Deportivo da Fieiteira, o novo Auditorio e as instalacións da Unidade de Condutas Aditivas (UCA) no marco dos fondos do Plan de Recuperación, Transformación e Resiliencia financiado por la Unión Europea-Next Genaration EU.
Estas tres instalacións, xunto co Mercado Municipal, terán paneis fotovoltaicos, “o que supón xerar un aforro económico e avanzar na eficiencia enerxética así como reducir as emisións de carbono”,, explicou o alcalde Luís Pérez Barral, engadindo que “con actuacións como estas estamos poñendo o noso gran de area para termos un concello máis sostíbel, que loite contra o cambio climático ao reducir as emisións e tamén se conseguen aforros económicos a longo prazo”.
As instalacións foron adxudicadas á empresa Cobra Instalaciones y Servicios S.A.U. por un importe de 263.226€ dos cales 118.867€ se corresponden coa instalación da Fieiteira, 119.543€ para o novo Auditorio e 24.816€ para a UAD.
