O conselleiro do Mar, Alfonso Villares, participou hoxe na Festa do Mexillón de Rianxo, unha celebración gastronómica xa tradicional nesta localidade mariñeira onde é posible degustar unha amplia variedade de
mexillóns. Nesta liña, o responsable autonómico destacou que a acuicultura de Galicia constitúe unha fonte fundamental de proteína alimenticia que combina os esforzos e colaboración do sector e da administración. De feito, durante o ano 2023, Portos de Galicia investiu en Rianxo 2,6 millóns de euros para a construción de novos departamentos, ampliación dos pantaláns pesqueiros e renovación de defensas.
Esta cita cumpre a súa décimo terceira edición, motivo polo que o titular de Mar aplaudiu a labor que xogan os responsables na promoción e posta en valor do mexillón, que fan de Galicia a principal potencia de pesca extractiva a nivel europeo. Ademais, Alfonso Villares enxalzou a calidade do produto e a creatividade, variedade e sabor das diferentes receitas e propostas dos profesionais da cociña involucrados, uns chefs e camareiros aos que considerou como aliados da cadea mar-industria para difundir o produto entre a poboación.
O porto de Aguiño foi o escenarioeste domingo a oitava edición da Festa dá Navalla. Este evento, que se recuperou o ano pasado tras oito de ausencia, é organizado pola comisión de festas da parroquia e a asociación cultural O Serriño, co apoio da Confraría de Pescadores de Carreira e Aguiño e o Concello de Ribeira.
