A agrupación Inventi Teatro estará este martes 13 de agosto en Boiro para ofrecer, na Casa da Cultura (localización finalmente elixida por mor da previsión de chuvia, o espectáculo para todos os públicos As palabras perdidas. Trátase dunha peza de teatro cómico
Inventi Teatro, formado por Bea Campos e Marcos Alonso e en activo dende 2017, cóntanos en As palabras perdidas a historia da condesa Colorada e o seu axudante Leocadiof, viaxeiros chegados dende moi lonxe. A condesa, unha coñecida contadora con fama internacional, disponse a narrar o seu relato preferido pero, ao abrir o libro, cae na conta de que o seu conto está cheo de buracos. Faltan palabras moi importantes como “ganapán”, “vagalume” ou “verme”. Fuxiron da historia por falta de uso e só utilizándoas de novo volverán ao conto.
As palabras perdidas é unha proposta que anima a falar galego dun xeito divertido, dinámico e moderno e que pon en valor o idioma, os ditos e as historias de Galicia.
