A Consellería do Medio Rural deu por estabilizado un incendio forestal no municipio da Pobra do Caramiñal tras calcinar, segundo as primeiras estimacións, entre 2,5 e tres hectáreas.
O incendio comezou ás 18.09 horas deste xoves na parroquia de Santa María a Antiga e foi estabilizado ás 19.53 horas. A columna de fume é visible desde varios puntos da comarca.
Tres helicópteros e tres hidroavións participan na extinción dun incendio forestal rexistrado este xoves na Pobra, o primeiro que se produce este verán na comarca do Barbanza. O lume iniciouse ás seis da tarde na zona de Rosende, na Pobra, e segundo as primeiras estimacións da Consellería do Medio Rural afecta a máis de media hectárea de monte arborizado. Nas tarefas de extinción participan 9 brigadas, 4 axentes forestais e 3 técnicos. Ademais dos medios aéreos hai cinco motobombas traballando na zona.
