Ribeira aposta pola diversidade no programa das súas Festas de Verán

04 Xullo 2024

Este xoves 4 de xullo celebrouse a presentación das Festas do Verán de Ribeira, que se van estender dende o 31 de xullo até o 4 de agosto. Á presentación acudiron, o alcalde de Ribeira, Luís Pérez, o segundo tenente de alcalde, Francisco Suarez-Puerta, o presidente da comisión de festas, Daniel González e o representante da empresa Grupo Fercosqui, Alberto Fernández.

O concelleiro de Festexos, Suarez-Puerta debullou a variedade de propostas deste ano que ten como “piar principal a diversidade en tres diferentes vertentes, diversidade nos espazos, diversidade nas propostas e a diversidade para as persoas neurodiverxentes”. Segundo dixo, “no capítulo de espazos amplíanse a novas localizacións para unha maior promoción económica e no capítulo de propostas, cos máis pequenos como grandes protagonistas, achegaranse actividades para todos os públicos explorando novos estilos musicais demandados pola veciñanza; mesturando artistas da contorna con propostas máis consolidadas”. Así, unha das grandes apostas deste ano será a do flamenco. A maiores, recuperarase a sardiñada que outrora se celebraba no Campo da Feira e que pasará a facerse nas Abesadas.

No capítulo da atención á neurodiverxencia, as actividades do programa terán como elemento transversal a diversidade e a sensibilización sobre as necesidades de toda a rapazada, actuando en materia de control do audio nas atraccións e na prevención (farase entrega de auriculares de protección e instalaranse pictogramas). Neste senso, está programado que a Asociación Ágape organice un mercadiño solidario para visualizar unha cuestión tan relevante como a neurodiverxencia.

O alcalde Luís Pérez Barral gabou o labor e implicación do segundo tenente de alcalde, da comisión de festas e dos patrocinadores. Resaltou tamén a innovación, variedade das propostas, espazos e a inclusión. Pérez Barral resaltou importancia de seguir traballando arreo para que as festas sexan un éxito e un espazo de encontro, alegría e celebración. Rematou alentando á rapazada e ás familias de Ribeira a gozar neses días.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.