Os sobreviventes do pesqueiro Argos Georgia, que naufragou este martes fronte á costa das Illas Malvinas, xa chegaron a porto e atópanse en bo estado de saúde. Os pesqueiros Robin M. Lee, no que viaxaba un sobrevivente e un falecido, e o Puerto Toro, cos oito falecidos restantes a bordo, atracaron na tarde deste xoves en Porto Stanley.
O avión militar para repatriar ás vítimas do afundimento partirá de España este venres pola mañá con destino a Malvinas. Exteriores está en coordinación co Ministerio de Defensa e a idea é que o avión poida saír o venres pola mañá para facerse cargo das vítimas despois de que pasasen o recoñecemento médico.
Segundo a información que recibiu, os superviventes atópanse ben e agora están a descansar no aloxamento preparado para eles. José Manuel Albares sinalou que os labores de busca dos desaparecidos se tiveron que interromper polas condicións do mar.
Con todo, van tentar retomalos en canto as condicións o permitan, segundo a información que lle facilitaron.
Por outra banda as autoridades marítimas de Malvinas considera que a colisión da proa do pesqueiro contra un bloque de xeo semisumergido puido ser a causa do afundimento do buque ‘Argos Georgia’, no que faleceron nove persoas, catro permanecen desaparecidas e 14 foron rescatadas con vida.
Despois de que os 13 sobrevivente do naufraxio do Argos Xeorxia –seis deles españois– atópense en terra, a salvo, é a quenda dos que non tiveron tanta sorte. Tal e como sinalou o ministro de Exteriores, José Manuel Albares, o Goberno fretará un avión destino Argentita hoxe para poder iniciar o proceso de repatriación dos tripulantes, que chegarán a España ao longo desta fin de semana segundo as estimacións do Executivo. Tamén se desprazará a Malvinas un diplomático da División de Emerxencia Consular para estar en contacto directo cos sobreviventes e autoridades locais coa intención de axilizar o proceso de repatriación.
Por outra banda, a delegación do Goberno en Galicia confirmou onte que os pesqueiros Robin M. Le, no que viaxaba un sobrevivente e un falecido, e o Porto Toro, cos oito falecidos restantes a bordo, atracaron onte pola tarde ao porto de Stanley (Malvinas).
Dos 10 tripulantes españois, hai seis sobreviventes e catro deles son galegos, tres de Ribeira e un de Pontevedra, ademais dunha persoa natural de Barcelona e outra de Albacete. Á espera de coñecer o desenalce dos desaparecidos, dous dos falecidos notificados son tamén naturais de Galicia: Cesar Acevedo, patrón de pesca do barco natural de Vigo e Santiago Leyenda, o cociñeiro, procedente do pobo costeiro de Bayona (Pontevedra).
Tanto o portavoz das familias afectadas pola traxedia, José Manuel Pena, colaborador de “obarbanza.gal” como o Goberno, indicaron que os sobreviventes do naufraxio foron atendidos por profesionais sanitarios do Hospital Memorial Rey Eduardo VII, os cales descartaron lesións graves.
