Ambas foron evacuadas en ambulancia ao Hospital do Barbanza e o lume estaba xa apagado cun extintor cando chegaron os servizos de emerxencias.
O particular que chamou ao 112 Galicia indicou que saía abundante fume da cociña dun piso situado na Praza Oito de Marzo, en Ribeira. Pasaban escasos instantes das 13:45 horas, e polo menos unha das ocupantes da vivenda afectada precisaba asistencia sanitaria por inhalación de fume.
Unha vez no lugar, tanto os bombeiros como o Grupo de Atención ás Emerxencias Municipal (GAEM) fixeron comprobacións e confirmaron que ardera tanto a campá extractora coma os mobles máis próximos.
Os servizos sanitarios confirmaron o traslado de dúas persoas por inhalación de fume ao centro hospitalario de referencia.
No operativo participaron Urxencias Sanitarias de Galicia-061, os Bombeiros de Ribeira e Boiro, o GAEM de Ribeira e os axentes da Policía Nacional e Local.
