O Concello de Rianxo quixo dar un novo paso no seu compromiso de servir á veciñanza e facilitarlle os trámites que ten que desenvolver e a súa relación coas administracións. Deste xeito, implantou na Oficina de Rexistro a ferramenta de Cl@ve permanente, polo que “os veciños e veciñas de Rianxo non terán que desprazarse ata as oficinas do SEPE ou da Seguridade Social”, sinalou o Concello, engadindo que “estamos ante un novo servizo que aforrará desprazamentos innecesarios ou a espera de varios días para recibir unha carta con claves de activación, como viña sucedendo ata o de agora”.
Esta ferramenta poderá solicitarse no Rexistro Xeral ou nos departamentos de Xuventude e Informática (Auditorio de Rianxo).
Quen precise máis información sobre o servizo, tena na web municipal de Rianxo.
