Ángeles Vázquez presenta en Portosín a guía autonómica de boas prácticas para o deseño das terrazas

05 Xullo 2024

A conselleira de Medio Ambiente, Ángeles Vázquez, acudiu este venres 5 de xullo a Portosín (Porto do Son) a presentar a estratexia da Xunta a prol da integración paisaxística das terrazas hostaleiras en espazos públicos, unha estratexia que inclúe unha guía de boas prácticas que achega solucións e recomendacións de deseño “co obxectivo de fortalecer os valores das nosas contornas e aproveitar de forma sustentábel os recursos de lecer que nos ofrece”. Na presentación da guía estivo acompañado, entre outras personalidades locais, polo alcalde Luis Oujo. A conselleira dixo que esta publicación pretende “servir de axuda ás administracións municipais e ao sector hostaleiro de cara a buscar unha certa homoxeneidade destes espazos de lecer e a súa concordancia coa contorna”.

A guía, que tamén está dispoñíbel en formato dixital, avalíanse tanto os criterios de distribución das terrazas nos distintos espazos como en relación ás peculiaridades dos diferentes tipos de lugares públicos que existen.

Segundo salientou a conselleira, “os criterios deben adaptarse ás contornas nas que se localizan as terrazas porque non implica o mesmo que estean nun centro histórico, na beira do mar ou nun espazo natural”.

O documento abrangue cuestións como o deseño do mobiliario; a súa utilización como soporte publicitario; a incorporación de elementos de división ou protección fronte ao vento ou a chuvia, ou a inclusión de plataformas, tarimas ou peches.

Ángeles Vázquez, que estivo acompañada do director de Turismo de Galicia, Xosé Merelles, e da delegada territorial da Xunta na Coruña, Belén do Campo, fixo fincapé que se propón que, na elección de mobiliario, se teña en conta a pegada ecolóxica dos materiais utilizados para a súa fabricación. Deste xeito, recoméndase optar polo uso de materiais de orixe natural (madeira procedente de bosques xestionados de forma sostíbel) ou reciclados: plásticos ou metais reciclados.

A conselleira puxo en valor “o bo facer e compromiso” do sector hostaleiro coa integración na paisaxe e na contorna. De feito, co obxectivo de que a guía presentada fose o máis participada posible, ademais de abrir un trámite de consulta pública, celebrouse unha rolda de reunións e de consultas tanto con representantes do sector como das grandes empresas distribuídas da nosa Comunidade. “Todas as achegas e suxestións recibidas permitiron enriquecer o contido desta guía e facilitarán a súa implementación posterior”, concluíu Ángeles Vázquez.

O director de Turismo de Galicia, Xosé Merelles, puxo en valor esta iniciativa para reforzar “a calidade que define xa ao destino galego e no que levamos tempo traballando”.

Outros artigos

A Pobra prepárase para pedalear no 14 de xullo coa Festa da Bici

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta....

+

Este venres comezan as Festas da Virxe do Carme de Rianxo

Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...