Este xoves 18 de xullo temos en Outes unha cita coa danza e a expresión en movemento grazas ao Festival Abanea que promove o Concello de Outes para a veciñanza.
Mostrarase ao público (no Espazo Museístico da Carpintaría da Ribeira de Broña) La declamación muda, de Melania Olcina (Madrid), Premio Nacional de Danza 2023 e Drauma, de Paulina Espinosa e Mariana Oliveira (México-Portugal), gañadoras do certame de creación Sólodos en Danza de Costa Rica con esta peza.
Amais, presentarase no Museo o espectáculo Os ollos cara adentro de Cía Ixa e levaranse a cabo, na contorna da praia de Broña, os obradoiros Danza en familia de Laura Quintás e A danza como lugar de recreo (ás 18.00 horas, na contorna do areal).
Tamén está previsto que actúen Mounqup e Yeinner Chicas (vertente musical).
Podemos consultar a axenda completa na Rede.
