Outro dos puntos quentes desta festividade de San Xoán será o núcleo de Bustelo, na parroquia de San Xoán de Laíño, en Dodro, onde a festa do lume acada un significado especial (debido, precisamente, ao santo que lle dá nome á parroquia). A cita será este sábado 22 a partir das 21.00 da noite, no Campo da Festa. O prazo forte da celebración será o concerto de Tanto Nos Ten (polas súas siglas TNT), que forma parte do programa Rede Cultural 2024 da Deputación da Coruña.
Tanto Nos Ten, TNT, é un grupo que emprega no seu repertorio músicas e letras propias e do saber popular, retranqueiras, de escarnio e comprometidas co país. TNT engade a esta proposta pasodobres, muiñeiras, foliadas, rumbas e outros ritmos bailables, conforman o que denominan “música tradicional furtiva”.
