O Programa Integrado de Emprego de Amicos aumenta un 25% a inserción laboral de mulleres en situación de vulnerabilidade

17 Xuño 2024

A asociación inclusiva da nosa comarca Amicos fixo balance da cuarta edición do Programa Integrado de Emprego da Asociación Amicos, que, segundo indicou a entidade, “rompeu os récords acadados en anos anteriores”. En concreto, as técnicas que coordinan o programa, Andrea Beiro e Cristina Coto, conseguiron un novo fito para a inserción sociolaboral das mulleres na comarca acadando as 105 insercións sociolaborais durante o mes de maio, superando nun 24% ás edicións anteriores.

O Programa Integrado de Emprego (PIE) desenvolvido pola entidade conta con 100 prazas dirixidas a mulleres desempregadas con ou sen discapacidade, así como mulleres menores de 30 anos con baixa cualificación profesional. A iniciativa, que se desenvolverá ate novembro, enfoca a súa especialización nos sectores de comercio, atención á clientela e desenvolvemento de habilidades sociais, así como ás funcións de almacén, tanto en industria como no sector comercio.

Asemade, as participantes fórmanse e especialízanse en áreas de gran demanda laboral na zona, coma é a figura de auxiliar de produtos frescos. Esta figura pode desempeñar labores en chacinerías, carnicerías ou peixerías.

“Este ano propuxemos o PIE dende a máxima humildade, respecto e co obxectivo directo á consecución dun emprego de calidade para apoiar as vidas das cen mulleres que contan co noso traballo”, comentou Keltoi Cameán, coordinador de Orientación Laboral de Amicos.

Pola súa banda, as técnicas do programa destacaron que “tentamos sensibilizar á contorna empresarial sobre as necesidades de conciliación e de coidados de saúde mental que moitas veces requiren as participantes para unha inserción satisfactoria a longo prazo”.

Así, Amicos conseguiu que as participantes atoparan emprego en empresas coma o grupo JEALSA Rianxeira, Vegalsa-Eroski, Gadisa, Mercadona, CONGALSA, Ignacio Gonzalez Montes, Nexo ETT ou Nortempo. Sen esquecer o apoio que sempre recibe a iniciativa do pequeno e mediano comercio da zona do Barbanza.

Os Programas Integrados de Emprego están financiados pola Xunta de Galicia e o Servizo Público de Emprego Estatal, o que posibilita que as participantes poidan percibir unha axuda dun mínimo de dez euros por cada acción na que interveñan.

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Culebra nun garaxe de vivenda en Chazo, noConcello de Boiro

Os bombeiros do parque Comarcal Provincial de Boiro foron alertados ao redor das 16:30 horas da tarde de hoxe, 13 de xullo, da aparición dunha culebra nun garaxe de vivenda en Chazo, no Concello de Boiro.Na chegada, revisouse todo o garaxe e vendo os moitos ocos que...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...