A subdelegada do Goberno na Coruña, María Rivas, achegouse esta mañá a Betanzos, onde xunto á alcaldesa, María Barral, e membros da Corporación municipal visitaron as obras do Mercado de Abastos da localidade e cuxo importe ascende a 1.482.081,58€. Esta actuación está na súa fase final, e realizase con cargo Liña 1 do Programa de Impulso á Rehabilitación de Edificios Públicos de entidades locais (PIREP Local). Ademais de lembrar os detalles deste proxecto en concreto, debullou outras iniciativas de rehabilitación apoiadas por este programa en Ribeira, Porto do Son, Santiago, Bergondo, Ferrol, Arteixo e Cambre.
A subdelegada subliñou que “no seu conxunto, a execución do programa nos distintos concellos vai a bo ritmo, tal e como pode apreciarse nesta obra de remodelación de Betanzos”, así o Goberno espera que na meirande parte dos casos os concellos cumpran cos prazos de execución previstos.
María Rivas lembrou que o PIREP Local é un Programa para a mellora da eficiencia enerxética e a accesibilidade dos edificios de titularidade municipal. En total, 9 proxectos en 8 municipios da provincia resultaron beneficiarios da Liña 1 deste programa. Os Concellos da provincia recibiron un total de 10.149.300,30 € procedentes desta liña de axudas.
Ribeira
Rehabilitación da Casa Consistorial
2.836.394,24
Betanzos
Mercado De Abastos, Conceptualización
1.482.081,58
Porto do Son
Casa de Ríos. Museo Do Traxe. Salón De Plenos. Porto Son
241.537,50
Santiago de Compostela
Rehabilitación Integral do Complexo Deportivo de Santa Isabel
2.340.149,05
Bergondo
Rehabilitación Enerxética Sede Concello De Bergondo (Casa Consistorial)
457.015,95
Ferrol
Proxecto De Rehabilitación Integral De Local Sociocultural Da AAVV De Serantes
215.777,15
Arteixo
Rehabilitación Capela Do Balneario Para Destino A Sala Municipal Multiusos.
199.876,92
Cambre
Pavillón Polideportivo Municipal “Os Campóns”
1.591.590,00
Santiago de Compostela
Rehabilitación Integral Do Pavillón Polideportivo De Vite
979.277,91
A subdelegada tamén recordou que entre o PIREP Local e o PIREP autonómico, serán un total de 18 actuacións na provincia que en conxunto ascenden a case 20,5 M€. Estes investimentos permiten rehabilitar edificios que dan servizo á cidadanía, como son colexios, polideportivos e resto de instalacións municipais, contribuíndo a mellorar o patrimonio público e a dar cumprimento a Axenda Urbana, dixo.
