O conselleiro de Sanidade di que a Xunta licitará este verán a redacción do proxecto do novo centro de saúde de Noia

18 Xuño 2024

O conselleiro de Sanidade, Antonio Gómez Caamaño, visitou este martes 18 o concello de Noia, onde anunciou que a Xunta licitará este verán a redacción do proxecto do novo centro de saúde local, “que suporá un investimento de preto de dez millóns de euros”, dixo, engadindo que “a intención do Goberno galego é redactar o proxecto ao longo do vindeiro ano e, xa en 2026, poder contratar e iniciar as obras canto antes”. Na súa visita ao actual centro de saúde desta localidade coruñesa, o conselleiro estivo acompañado polo alcalde, Santiago Freire; polo director asistencial da área sanitaria de Santiago, Javier Ventosa; e polo director de atención primaria, Felipe Calle.

Gómez Caamaño subliñou que” a Xunta leva tempo traballando, en colaboración co Concello de Noia, para impulsar a construción do novo centro de saúde”. Explicou que o Concello “fixo os seus deberes” poñendo a parcela necesaria á disposición do Goberno galego, para proceder a construír “un centro ben dimensionado, moderno e confortábel para pacientes e profesionais.
Porta de acceso da cidadanía”, indicou dende Noia, onde tamén tivo tempo de reunirse coas e cos profesionais de atención primaria do actual ambulatorio, aos que deu os parabéns polo seu “gran traballo”.

O conselleiro dixo tamén que “se está a elaborar un plan de recursos humanos que ten intención de aprobar neste ano”. E engadiu: “Resulta primordial facer máis atractivo o traballo nos centros de saúde e, a tal efecto, a Consellería traballa nun plan para desburocratizar a atención primaria para reducir ao mínimo ese 30% do labor non sanitario que se realiza na actualidade”.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...