O Concello de Rianxo, a través do Servizo de Turismo, organiza esta tempada estival un programa de roteiros guiados por diferentes puntos de interese turístico, patrimonial, paisaxístico, ambiental e cultural do territorio.
Trátase dos seguintes itinerarios.
-Visita ao Hórreo de Araño o 6 de xullo e o 10 de agosto.
-Roteiro polo Río Te o 13 de xullo e o 17 de agosto.
-Visita ao Castelo da Lúa o 20 de xullo e o 24 de agosto.
-Descubrir o Rianxo mariñeiro o 3 e o 31 de agosto.
-Ademais, todos os xoves dende o 4 de xullo ata o 29 de agosto haberá visitas guiadas polo centro histórico da vila.
As saídas son gratuítas mais requírese inscrición previa a través do 622 322 953 ou mandando un correo electrónico a turismo@avivae.com.
