O Casino de Noia vai dar acollida este vindeiro 29 de xuño á segunda edición das Xornadas sobre Educación Emocional: un encontro inspirador de debate e formación sobre diferentes recursos de utilidade para mellorar a nosa calidade de vida e a nosa relación coas persoas que nos rodean. Tamén, en palabras da organización, “para aprender a rachar coas nosas barreiras mentais e descubrir o poder do merecemento”. A xornada desenvolverase en horario de 10:00 a 14:00 horas, no Casino de Noia. Esta sesión é gratuíta e para inscribirnos nela debemos enviar un correo a educacionnoia@gmail.com indicando o noso nome e teléfono.
