Novos Estatutos para Cáritas Diocesana de Santiago

06 Xuño 2024


Na firma, presentación e proclamación dos novos Estatutos de Cáritas Diocesana de Santiago de Compostela, durante un acto que presidiu o arcebispo de Santiago, monseñor Francisco José Prieto Fernández, díxose que o novo marco estatutario debe ser un leito que mostre o rostro dunha Iglesia samaritana.

A nova norma reguladora é a expresión dunha acción socio- caritativa innovadora que,tras seguir un camiño de elaboración verdadeiramente sinodal conducen á Cáritas Diocesana a ser unha presenza e unha voz profética que interpela á Igrexa e á sociedade: “A nosa caridade non pode ser meramente paliativa ou asistencial, senón preventiva, curativa e propositiva. Caridad é acompañar, abrir portas, ofrecer posibilidades que permitan vivir con xustiza e dignidade”, sinala o prelado compostelán.

Marco estatutario

Os Estatutos constan de 63 artigos e XI capítulos, e na súa redacción buscouse simplificar as actividades, o voluntariado, o traballo das Cáritas e a configuración do fondo dentro da Comunicación Cristiá de Bens. No texto reflíctense principios fundamentais como son identidade, misión e compromiso coa acción caritativa e pastoral no ámbito diocesano.

Principios e funcións

No texto articulado cando se mencionan os principios da entidade sinálase que dimanan do Evanxeo, a Boa Noticia de Dios encarnado en Xesucristo, amar ao teu próximo como a ti mesmo. Cítanse nesta apartado solidariedade, independencia, transparencia e redición de contas, e a sustentabilidade social, económica e ambiental.

As funcións enmárcanse como accións asistenciais e sociais, de sensibilización, e análise e denuncia das situacións de inxustiza social.

A parroquia

Destacan a importancia da parroquia como a célula fundamental de acción caritativa na estrutura destes estatutos. Neste sentido, @teniendo en cuenta a organización territorial da diocese, defínese como unidade organizativa ás Cáritas parroquiais que poden abarcar a unha única parroquia, a varias ou a unha Unidade Pastoral completa, integrando así a estrutura funcional de Caritas á da propia organización diocesana.

As Cáritas Interparroquiais quedan configuradas como organizacións funcionais que prestan servizos profesionais de apoio ás Cáritas parroquiais integradas nelas. Neste sentido destaca a vontade de ampliar e flexibilizar o acceso aos servizos especializados e profesionais das Cáritas Interparroquiais ás Cáritas parroquiais da contorna xeográfica que desexen integrarse nelas, promovendo unha maior eficacia e eficiencia na acción destes servizos.

Voluntariado

Especial mención vai destinada ao voluntariado, adecuándoo ao marco legal actual e ás consideracións de tempo e grao de participación dos voluntarios á realidade sociolóxica actual, pensando especialmente na participación do voluntariado xuvenil.

Na procura dunha maior coherencia organizativa, unificáronse os criterios de funcionamento das Comisións Permanentes e os Consellos, establecendo claridade nos procesos de toma de decisións, nomeamentos e funcionamento dos órganos pertinentes.

A misión caritativa

Na presentación lembrouse que no ano1965 o cardeal arcebispo de Santiago, monseñor Fernando Quiroga Palacios procedeu a erixir de forma oficial Cáritas Diocesana de Santiago de Compostela, sinalando que a entidade tiña como misión “ servir á acción caritativa e social de la Iglesia, promovendo, coordinando e instrumentando a Comunicación Cristiá de Bens entre todas as comunidades eclesiais”. No ano 1987 monseñor Antonio María Rouco Varela, asinou o decreto de aprobación dos estatutos que no ano 2007 foron renovados por monseñor Julián Barrio Barrio

Outros artigos

Luns continúa a choiva e as temperaturas sen cambios

O luns unha fronte fría, asociada a esa borrasca, afectará a Galicia, especialmente na segunda metade do día. Así comezaremos a xornada cos ceos moi nubrados, con chuvias no litoral atlántico, localmente fortes. As temperaturas mínimas terán un lixeiro ascenso,...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...