O Concello de Rianxo adxudicou as obras para a ampliación da rede de abastecemento de auga no lugar da Casilla (Araño). Segundo informou o alcalde Julián Bustelo, os traballos serán executados pola empresa Mecano Obras y Reformas S.L. e contan cun orzamento de 109.480€ sen impostos.
A actuación permitirá dar servizo de auga para consumo a todas as vivendas do núcleo e salvará o cruzamento da estrada autonómica a través dun topo para a conexión á rede existente.
O abastecemento da Casilla (parroquia de Araño) dende a traída municipal será posíbel grazas ás actuacións previas dende Outeiro-Taragoña. Este proxecto dará servizo a dúas ducias de vivendas.
