A literatura, o teatro e os automóbiles clásicos, protagonistas da axenda rianxeira desta terceira “finde” de xuño (xunto coas festas da Bacariza)

13 Xuño 2024

O Concello de Rianxo compartiu a axenda cultural municipal desta terceira semana de xuño, na que se inclúen tamén iniciativas das entidades e asociacións con sede no municipio. Haberá unha presentación literaria co escritor afincado no concello boirense Manuel Losada e unha función teatral con Armadanzas Teatro: O meu mundo non é deste reino, os dous actos no Auditorio. Ademais, a parroquia de Isorna celebra as súas festividades deste mes de xuño e a vila de Rianxo acolle unha queda nocturna de vehículos clásicos.

Venres 14 xuño

Manuel Losada, novo referente galego da literatura de terror, vai estar este mes de xuño en Rianxo, no Auditorio Municipal, presentando a súa obra literaria recente. Será este venres 14 de xuño, a partir das 20.00 horas.O acto contará coa presenza do autor pero tamén de Ana Ares e Julio Alcalde, concelleiro de Cultura de Rianxo. Losada, natural de Pontevedra e afincado en Boiro, é novelista e xornalista, ademais de afeccionado ao xénero de misterio, terror e fantasía, sendo Stephen King unha das súas principais influencias. É autor de novelas de éxito como A fábrica do esquecemento, O que os meus ollos non vían, O misterio da illa de Cortegada ou Trampa na Rede. A pesar de ser a literatura a súa gran paixón, traballou ao longo da súa vida na administración pública e no sector da seguridade privada, un posto que lle deu o impulso definitivo para empezar a escribir.

Domingo 16 de xuño

Este domingo 16 o Auditorio de Rianxo acolle o espectáculo O meu mundo non é deste reino, a cargo de Armadanzas Teatro, da Asociación Ondiñas Mainas de Rianxo, baixo a dirección de Amantia Coello. Será ás 19.00 horas con entrada de balde até completar a capacidade. Trátase dunha adaptación da Farsa de Bululú de Manuel María, Premio Abrente en 1973 e unha das máis representativas contribucións do noso teatro á loita anti-franquista. Guíndanos unha historia actualizada, moi vixente, sobre unha parella de bululús que viaxa polas feiras coa súa teatro portátil para escenificar unha e outra vez a historia dun gran rei que toma as rendas dun reino, amparado baixo todo tipo de cómplices corruptos.

Ademais nesta fin de semana tamén se van celebrar as seguintes actividades:

II Quedada nocturna de clásicos do Barbanza

Festas da Bacariza (Isorna)

De xira pola ría de Arousa co Faiado da Memoria

Outros artigos

Varios colexios de Ribeira asisten a unha función teatral en inglés

Cinco centros educativos de Ribeira afondaron máis na súa aprendizaxe en inglés coa función teatral Face and face coa colaboración do Concello de Ribeira. Esta actividade desenvolveuse nesta mesma mañá no Auditorio Municipal coa participación do CEIP Frións, CEIP O...

+

O Son inaugura a exposición Mulleres e Mar, no marco do 25N

Este martes 17 de novembro celebrouse no Son (Museo Marea) a inauguración da exposición Mulleres e Mar, impulsada por Asamblea de Cooperación pola Paz Galicia dentro do proxecto Elas Deciden e no marco do Día Internacional da Eliminación da Violencia contra as...

+

Publicidade

Revista en papel

Opinión

“Pensar doe”.  Xosé A. López Silva

“Pensar doe”.  Xosé A. López Silva

.Hai xa bastantes anos insistíalle eu a un alumno que se atascara nunha tradución do latín: «Pensa, pensa!». O rapaz moveu a cabeza e, ao cabo duns segundos, estoupou, o pobre: «Pensar doe, profesor!». Durante moito tempo contei aquela resposta como unha simple...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.