Os bombeiros do parque Comarcal Provincial de Boiro foron avisados ao redor das 14:00 horas deste mediodía dun incendio acontecido nunha vivenda da rúa Francisco del Río Romero, no municipio de Boiro.
Na chegada ao lugar os bombeiros identifican a fonte do fume nunha tixola na que prendeu lume. A casa estaba ocupada por dúas persoas, sendo trasladada unha delas ao Hospital do Barbanza por inhalación de CO.
O operativo consistiu na ventilación da vivenda ata normalizar os datos de CO, xa que o lume fora extinguido por unha persoa que tivo acceso ao domicilio.
No operativo tamén participou a Policía Local de Boiro, o 061 e voluntarios de Protección Civil.
