Malia que o ferido estivo atrapado polas pernas pola árbore, o seu estado non revestía gravidade.
Daban as 12:30 horas cando o 112 Galicia recibía o aviso dun particular informando dunha persoa que estaba atrapada polas pernas por un pino. O home atopábase na aldea de Lira, situada no municipio de Carnota (A Coruña).
Axiña, desde a sala de operacións do 112 Galicia solicitouse a intervención do persoal sanitario de Urxencias Sanitarias de Galicia-061, os cales mobilizaron o helicóptero medicalizado con base en Santiago de Compostela ata o punto para o seu posterior traslado ao centro hospitalario de referencia.
A maiores, desde o 112 Galicia tamén se solicitou a intervención dos membros do GES de Muros, dos Bombeiros de Cee, dos axentes da Garda Civil e da Policía Local e dos membros de Protección Civil.
Con todo, segundo comentan os equipos de intervención, o ferido estaba cortando pólas dun pino cando unha delas atrapouno polas pernas. Por fortuna, o ferido foi trasladado consciente e cun estado que non reviste gravidade.
