O Concello de Rianxo organiza a vindeira semana, co gallo da celebración do Día de Europa, dúas actividades que levan por título A Unión Europea e os Dereitos Humanos.
Porase o foco no asedio que está sufrindo o pobo palestino, así como na resposta da Unión Europea aos movementos migratorios provocados polos conflitos armados.
A primeira cita será o xoves 9 de maio ás 20.00 horas no Auditorio de Rianxo, e será o coloquio Palestina: cen anos de colonialismo.
O 10 de maio celebrarase ás 21.00 horas no Auditorio o espectáculo teatral Vía Morta, de Pallasos en Rebeldía e Culturactiva.
