O Concello de Rianxo vai organizar este venres 17 de maio un recital poético aberto encadrado na celebración do Día das Letras Galegas e convocado co obxectivo de facer fronte común arredor da cultura galega. As persoas interesadas en participar poden inscribirse enviando un correo electrónico a cultura@concelloderianxo.gal. Será un acto de lembranza Rosalía de Castro (homenaxe aprazada dende o 23 de febreiro, Día de Rosalía) e un tributo ao legado literario da poeta coruñesa Luísa Villalta, celebrada este ano no Día das Letras Galegas. O acto celebrarase na praza de Padrón no Paseo da Ribeira (diante do busto de Rosalía). Será o venres ás 20.00 horas. As persoas interesadas en participar no recitado aberto, xa sexa con textos de Rosalía ou de Luísa Villalta, deberán enviar un correo electrónico ao dito enderezo coa escolla do texto e co nome da persoa participante.
