Os bombeiros do parque Comarcal Provincial de Boiro recibiron hoxe, sábado 4 de maio, ás 9.21 horas unha chamada alertando dunha árbore que obstaculizaba o tránsito na DP-1105, no lugar de Mieites (parroquia de Cures), no concello de Boiro.
Unha vez no lugar, os bombeiros detectaron que tamén caera parte dun terraplén duns 8 metros de altura, arrastrando terra e arborado de pequenas dimensións pero que ocupaban, practicamente, a totalidade do carril en dirección cara a Noia. Tras realizar á localización e zonificación, procedeuse á retirada das árbores e do resto de materiais depositados na vía (terra, pedras e arbustos) ata deixar liberado o carril.
