A Policía Local de Noia informou de que este domingo 2 de xuño vaise proceder ao traslado puntual do mercadiño municipal dende a rúa Curro á rúa Paraguai. De xeito complementario, prohíbese o estacionamento de vehículos en toda a rúa a partires das 07 horas, así coma a circulación entre as 07 e as 16 horas. O motivo do traslado é a elaboración das alfombras de Corpus na rúa do Curro.
Ademais, o luns día 03 de xuño, por mor das obras de reparación da calzada á altura da fonte de San Breixo (pola aparición dunha focha), cortarase a circulación na ponte de San Francisco cara ao casco urbano agás para residentes ata a zona onde de vai levar a cabo a actuación. Nos cruces da vía afectada á altura de Sueiro e o Pirillueiro colocaranse sinais de dirección obrigatoria á esquerda. Procederase ao corte da vía ás nove da mañá.
