O Concello recoñece os logros do Natural Sport de Ribeira

21 Maio 2024

O Concello de Ribeira organizou este martes 21 de maio un acto de benvida e recoñecemento ao Club Natural Sport, co obxectivo de distinguir aos seus destacados logros nos campionatos galegos de 2024. A cita tivo lugar no salón de plenos do Concello, onde estaban presentes o alcalde de Ribeira, Luís Pérez, o concelleiro de Deportes, Xabier Vidal, o segundo tenente de alcalde, Francisco Suárez-Puerta e o concelleiro Fernando Abraldes.

O equipo do Goberno local salientou que “por primeira vez na historia, un club é campión nos catro torneos oficiais galegos; nas categorías cadete, júnior, sub 21 e absoluto”. Ademais, esta pasada fin de semana, Irene Montemuiño e Lois Tomás acadaron ouro e bronce respectivamente no Campionato de España Universitario de Taekwondo.

Os membros do Concello felicitaron a todo o equipo “pola súa dedicación e esforzo”, así como pola promoción de valores esenciais como a disciplina, o respecto e a resiliencia. “Grazas a clubs como Natural Sport, podemos ofrecer aos nosos mozos a oportunidade de medrar nun ambiente saudábel e motivador”, destacou o alcalde Luís Pérez Barral, quen agasallou ao equipo cunha peza de cerámica galega e un diploma.

Outros artigos

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.