Este 16 de maio o Concello de Ribeira (a través das Concellerías de Servizos Sociais Comunitarios e Educación) fretou un autobús con saída en dirección á cidade portuguesa de Porto con 50 persoas participantes nos obradoiros do programa de dinamización e promoción social para maiores de Ribeira.
A actividade forma parte do programa de obradoiros e actividades de formación continua que impulsa o Concello para favorecer o avellentamento, “un dos puntos de interese fundamentais para o Goberno local”, no que se encadran tamén diferentes propostas deportivas e máis o IV Ciclo da USC en Ribeira (Camiños de Coñecemento e Experiencia). Tamén se insire nesta liña de traballo o Plan de Mobilidade do Centro Dramático Galego coordinado desde o Servizo de Normalización Lingüística, que permite levar ás funcións realizadas en Santiago á veciñanza de Ribeira.
Por certo que as e os participantes na viaxe a Porto participarán na conmemoración internacional do 40 aniversario do Centro Dramático Galego asistindo en Porto, no Teatro Nacional São João, á representación da obra Manuela Rei is in da house.
