Un ano máis o Concello de Noia organiza a peregrinación a Santa Rita (Santiago de Compostela), que está programada para o 21 de maio con saída da praza do Concello ás 23:00 horas. As persoas participantes estarán asistidas por ambulancia, que as acompañará durante todo o percorrido. Este comezará ás 23.00 horas do martes, dende a Casa do Concello.
A andaina inclúe unha misa ás 8.00 horas. Logo do oficio relixioso porase a disposición das persoas participantes un bus de volta, que está previsto que saia ás 9.00 horas. Os tíckets para o autobús pódense recoller no primeiro andar do Consistorio, até o luns día 19 ás 14:00h. Organiza o Concello coa colaboración de Protección Civil e a Cruz Vermella.
