Seguen as Festas da Ascensión 2024 de Santiago

09 Maio 2024

O Concello de Santiago deu a coñecer o programa que elaborou para celebrar as festas da Ascensión, que comezarán o mércores desta semana.

Raxoi centrou os seus esforzos en deseñar unha axenda con citas para todos os públicos, baixo a premisa de promover unha celebración “para toda a veciñanza”

Así, aínda que o prato forte seguen sendo os concertos, tamén haberá actividades pensadas para persoas maiores e afeccionados ao deporte.

Concertos

Os actos musicais comezarán o 8 de maio ás 21.00 horas co concerto de Santiago Pop 40 que reunirá a artistas como Soge Culebra, David Otero ou Lérica.

Un par de horas despois, o Obradoiro encherase coa actuación de Panorama, que baixará os seus decibelios para ser máis respectuoso co patrimonio.

Xa o venres, a praza da Quintana será o escenario do Compos Fest, unha iniciativa na que participarán algúns dos artistas urbanos máis recoñecidos da cidade, como Boyanka Kostova ou Dios Ke Te Krew.

Así mesmo, diferentes locais de Santiago acollerán o sábado actuacións grupais de Cantos de Taberna cunha actuación final conxunta. O mesmo día pola tarde, a Casa do Taberneiro acolle un obradoiro para todas as persoas interesadas neste tipo de cancións populares.

Máis citas

O día grande da Ascensión, o xoves 9 ás 12:30 horas, terá lugar o desfile dos cabezudos.
Outro atractivo importante da celebración é a Festa da Terceira Idade, que está programada para o sábado 11 de maio no recinto feiral de Amio.

O evento, cuxas entradas se poderán adquirir a partir de mañá no Teatro Principal, consistirá nun xantar amenizado polo grupo Eureka.

Os máis deportistas, pola súa banda, poderán celebralo á súa maneira con eventos como as probas do Corresán de Angrois ou a Carreira da Ascensión.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.